امبارح كانوا بيهنوني بعيد ميلادي ** أصل أنا كملت الأربعة وعشرين
أربعة وعشرين سنة ..يانهار أبيض ** ياترى دول جم منين ؟؟؟؟؟؟؟؟؟
ده أنا لسه امبارح كان عندي عشرين **اااااه.. دي سنين بتجري ورا سنين
أيام بتفوت وشهور بتعدي ** واحنا ولا بيهم حاسين
يعني معقول أصحى بكرة **ألاقيني كملت التلاتين؟؟
يعني راحت علينا خلاص **وجيلنا بئا جيل قديم ؟؟؟
الأول كنت فرحانة ** قبل ما أكمل العشرين
كل ما ييجي عيد ميلادي **بانفخ وأطير بلالين
وأعزم ناس وأعمل تورتة **وألبس أجمل الفساتين
لكن بئا دلوقت خلاص **خلصت كل البلالين
وكل ما ييجي شهر تمانية .. تيجي معاه حساسية (سن)
لا نافع لها زيرتك ولا حتى هستازين
